Ag tabhairt isteach...
 Soláthraíonn Rialachán um an Acht Deochanna Meisciúla 1988 (Aoischárta) 2007 do scéim dheonach um Chárta Náisiúnta Aoise. Is féidir le duine aonair atá 18 agus os a chionn Aoischárt Náisiúnta a fháil chun a thaispeáint go bhfuil an aois dhlithiúil le alcól a cheannach slánaithe ag an duine.
Is "cárta a chruthaíonn aois" é Aoischárta Náisiúnta agus ní "Cárta Aitheantais" é. Is chun críocha atá luaite thuas é Cárta Náisiúnta Aoise amháin agus ba cheart gan é a fháil nó a bheith úsáidte chun aon críocha eile.
Taispeánann an t-Aoischárta Náisiúnta :
- D’ainm agus do shloinne
- Dáta do bhreithe
- Do ghrianghraf
- Gnéithe ábhartha Slándála
Le haghaidh tuilleadh eolais, féach ar ár gCeisteanna atá Curtha go Minic nó déan teagmháil le do Stáisiún áitiúil Garda
Chun iarratas a dhéanamh ar Aoischárta Náisiúnta ní mór don iarratasóir na riachtanais seo a leanas a chomhlíonadh:
- Ní mór duit 18 mbliana déag d’aois nó os a chionn a bhreith slánaithe agat ar dháta an iarratais
- Ní mór duit iarratas a dhéanamh ag an Stáisiún áitiúil Garda
- Cuir Deimhniú Breithe Nó Cárta GNIB (Biúró Náisiúnta an Gharda Síochána um Inimirce) ar fáil. (Ní ghlacfar le haon rud eile – Muna bhfuil ceachtar den dá rud thuas ag an iarratasóir ní bheidh sé/sí in ann Aoischárta a fháil.
- Bíodh ceann amháin eile aitheantais agat. (Ceadúnas Tiomána/Cárta Mac Léinn/Pas nó aitheantas ar an gcuma sin)
- Cuir grianghraf amháin ar an déanamh phas a tógadh le gairid ar fáil.
- An táille €10.
TABHAIR FAOI DEARA: má tá tú idir 18 agus 21 bliana d’aois agus go bhfuil aoischárta ar an seandéanamh agat – is féidir leat do chárta nua a uasghrádú saor in aisce trí fhoirm nua iarratais a chomhlíonadh agus do shean-aoischárta a thabhairt suas.
barr ^ |
